Қамқоршылық кеңесінің отырысы

admin — Tue, 10 Oct 2023 17:40:11 +0600

Мектептің дамуына қолдау жасау, аудан аумағында жұмыс жасайтын басқа ұйымдармен, демеушілермен байланысын нығайту, заттай және ақшалай қаржыларды белсенді пайдалану мақсатында Қазақстан Республикасы Білім және ғылым министрлігінің 2017 жылғы 22 шілдедегі №355(2018 жылғы 02 сәуірдегі №123) бұйрығымен бекітілген ережесін және қамқоршылық кеңесінің бұйрығын негізге ала отырып, 2023-2024 оқу жылында Жамбыл атындағы орта мектеп КММ қамқоршылық кеңесінің құрамы төмендегідей бекітілсін:

Қамқоршылық кеңес отырысы

admin — Thu, 09 Jul 2020 07:22:40 +0600

Жамбыл атындағы орта мектеп КММ
Қамқоршылық кеңес отырысының №6 хаттамасы

10.08 .2019ж Жамбыл ауылы
Қатысқандар: кеңес мүшелері-10
Қатыспағаны-1
Шақырылғандар
Мектеп директоры Ж.Ермекбаева
ДТІЖО-ы А.Рыскелдиева С.Қалжанова
Мектепішілік ата-аналар комитеті

Күн тәртібінде:
2018-2019 оқу жылындағы «Қамқоршылық кеңестің» жыл бойғы атқарған жұмыстары туралы
Тыңдалды: Қамқоршылық кеңестің төрайымы Темірбаева Құралай сөз алып,өз сөзінде:- Қазақстан Республикасы Білім жіне ғылым министрлігінің 2017 жылғы 27 шілдедегі № 355 бұйрығымен бекітілген, Қазақстан Республикасы нормативтік құқықтық актілерінің мемлекеттік тіркеу тізімінде 2017 жылғы 29 тамыздағы №15584 бөлімімен тіркелген құжаттарын негізге алып Жамбыл атындағы орта мектебінде2018-2019 оқу жылының 01. 09. 2018 жылғы №204бұйрығына сүйене отырып ,білім беру ұйымындағы білім алушы және тәрбиеленушілерге әлеуметтік қолдау, мектептің материалдық техникалық базасын жетілдіру, спортты дамыту, дарынды балаларға қолдау көрсету мақсатында Қамқоршылық кеңес құрылған. «Қамқоршылық кеңес» бірінші отырыста кеңесті құрып, жұмыстарыңызбен танысып әрқайсыларыңыз өз міндеттеріңізбен танысқан болатынсыздар.Сонымен қатар осы уақытқа дейін әр отырыста сіздермен ақылдаса отырып, мектепішілік іс-шаралар, байқаулар, саяхаттар т.б. жұмыстарына араласып келеміз.Бүгінгі отырысымыз осы 2018-2019 оқу жылы барысында қамқоршылық бойынша атқарылған жұмыстарымыздың есебін тыңдау.Атап айтсақ, сәуір , мамыр айларында мектепті 15 жыл бұрын бітірген түлектер «Жүгіртпе жол» (бегущая строка), «Атаңнан мал қалғанша, тал қалсын» деген ниетпен 20 жылдық түлектер мектеп айналасына 200 түп раушан гүлін, 25 жылдық түлектер мектеп қабырғасына «Түлектер тақтасын», 30 жылдық түлектер мектепке көрме жасап, оқушылардың шығармашылығын дамыту мақсатында 8 мальберт сыйға тартса,50 жылдық түлектер «Туған жерім-тал бесігім» тақырыбында Жамбыл ауылының суреті бейнеленген картинасын тарту етті.Сондай–ақ жылдағы өтілетін «Мектепке жол» республикалық акциясында «Жақсылық жасауға асығайық!» ұранымен «ТүркКаз» фирмасында жұмыс жасайтын ауыл жастары мектеп табалдырығын аттағалы отырған аз қамтылған, көп балалы отбасылардан шыққан 10 балаға 565000 теңге көлемінде мектеп формасын,оқушы сөмкесін,оқу құралдарын,спорттық киім және осы балалар тәрбиеленіп отырған отбасыларға бір реттік көмек ретінде азық-түлікпен қамтамасыз етті. «Бәйдібек баба» мешітінің бас имамы Қойшыманов Серік 150000 теңге көлемінде 10 оқушыға мектеп формасымен, жеке кәсіпкер «Жандос» дүкенінің иесі Шойынжанова Света 50000(елу мың) теңге көлемінде екі жартылай жетім оқушыны мектепке даярлап киіндірді.Жеке кәсіпкер А.Байсеитова 1оқушыға оқушы сөмкесі,оқу құралдарын,жеке кәсіпкер Рахманова Света 20000 (жиырма мың) теңге көлемінде көмек көрсетсе, ауыл азаматы Жиренбаев Қуатбек бір оқушыны мектеп формасымен қамтамасыз етті.Ауыл азаматшасы Ермекбаева Ғалия Өмірбекқызының қолдауымен Алматы қаласының тұрғыны «Автосити» сауда кешенінің жетекшісі Беремкулов Бауыржан Ойталович мүмкіндігі шектеулі жандар отбасының екі баласына және жартылай жетім бір оқушыға мектеп формасы, аяқ киім, оқушы сөмкесі, мектепке қажетті оқу құралдарымен қамтамасыз етті.Жалпы көрсетілген көмектің құны- 100000(жүз мың) теңге.Биылғы жылға мектепке жасалынып отырған, аткарылып жатқан жұмыстарымыз осы.
Сөйледі:Аққулова Рауия қамқоршылық кеңестің мүшесі сөз алды:-Жақсы, қазір барлығымыз да қамқоршылық кеңестің бір жылғы атқарылған жұмыстардың көрсетілген көмектердің есебін тыңдап, куәсі болып отырмыз.Байқап отырғанымыздай біздер оқушыларға тек киім жағына ғана немесе «Мектепке жол» акциясы кезінде ғана көбірек қол ұшын беретін сияқтымыз.Биылғы жыл осы қамқоршылық кеңесіміздің жұмысын жандандырсақ. Оқушыларға білім жағынан болсын, өнер жағынан болсын дарынды,талантты балаларды демеп шыңдасақ; түрлі байқау, сайыстарға қатысуларына ат салысып, көмектесіп отырсақ нұр үстіне нұр болар еді.
Мектеп директоры Ж.Ермекбаева – Жамбыл атындағы орта мектебінде бүгінгі таңда 708оқушы оқып білім алуда .Олардың 26-сы биылғы жыл11 сыныпты бітіріп,16-сы жоғарғыоқу орнына грантқа оқуға түсті.Сонымен қатар әлеуметтік жағдайы бойынша жартылай жетім 19 отбасы, 27 оқушы көпбалалы 55 отбасы, бала саны 137 ,сәтсіз1 отбасы ,2 бала,аз камтылған 13 отбасы ,бала саны 27 ,толықемес отбасы саны 45,бала саны 59 сондай-ақ үйден оқитын 4 мүгедек оқушымыз бар. Иә өздеріңіз айтып, тыңдап отырғандай біз сіздерден көбіне қамқорлық акциясы кезінде ғана қол ұшын берулеріңізді сұраймыз.Мектептің жөндеу жұмыстары немесе дарын,олимпиада сияқты түрлі байқауларға мектеп ұстаздары өздері тарапынан демеуші болады. Мен өзімнің алдымда сөйлеген қамқоршылық кеңес мүшесі Аққулова Рауияның сөзіне келісемін.Алдағы уақытта оқушыларымыздың таланты мен талабын шыңдауүшін сіздер тарапыныздан көмек көбірек болса деп ұсыныс тастағым келеді.Ал өткен жылғы қамқоршылық жұмыстарыңыз бойынша бізге,біздің оқушыларға демеушілер тауып,қолдау корсетіп жүргендеріңіз үшін көп рахмет. Болашақта мектеп ұжымы атынан дендеріңіз сау,отбасыларыңыз аман,жасап жатқан кәсіптеріңіз берекелі болсын дегіміз келеді.

Шешім етеді:
1.2019-2020 оқу жылының «Қамқоршылық кеңес» отырысының жоспарын
жасау
2.2019-2020 оқу жылында дарынды оқушылардың байқаулар мен жарыстарға қатысуға ,олардың аудан,облыс,республика көлеміне шығуға мүмкіндік жасап,қол ұшын созу.

Қамқоршылық кеңес - Жамбыл атындағы орта мектеп

Қамқоршылық кеңесінің отырысы

Қамқоршылық кеңес отырысы